選段二：《神級DJ》GOD IS A DJ
原著： 李希特Falk Richter
廣東話翻譯： 陳志樺
他： 跟住果朝我溝左條女；喺威尼斯（Venice）。佢喺個油站度行埋黎，佢個樣似take左野佢問我想唔想搵個「私人dancer」，如果我想搵啲「私人娛樂」——但係齋跳，no sex，我諗我係想帶佢離開果條街因為佢話佢係有地方去，去緊Las Vegas，佢既生活就係靠D貨車司機比錢佢做下果啲小演出；一直去到邊度，可能係nightclub佢就唱下歌跳下舞咁。唔；我地停左喺沙漠中間我扭大部收音機，「She makes me wanna die」Tricky作嘅，佢就跳左啲好勁既蛇舞——好「正」——然後佢唱歌，我地有好多水我仲有幾粒「E仔」所以我地可以跳足12個鐘離開highway兩哩咁遠——由日出跳到日落，好「正」，我地跳舞；聽Goldie嘅「Mother」，啱啱出街嘅——「Saturn Returnz」——真係好靚——好似浸左喺波浪裡面——全部顏色同埋呢個沙漠，特別係死亡谷，好靚，好襯，沙丘就好似畫家既巨型調色板，又似個巨型既螢幕框住我地既故事，而呢個女仔——佢個名叫Sandra——佢呢世人第一次聽Goldie，之前佢完全迷戀Old Shcool、Blues、Freejazz同埋James Brown，佢話你唔可以離開70年代因為離開左70年代果D安全既guitar 旋律(riff)會好危險，經過80代去到90年代真係好危險：「如果你塞左喺80年代你就會迷失，你會塞喺個表面然後就番唔倒落去，我有好多fans都喺80年代走向90年代既時候迷失左而家就出唔番黎——係地獄。」——跟住佢話我聽佢想同幾個cool愛斯基摩人喺Alaska攪個企鵝農場，佢喺電視睇過套愛斯基摩既紀錄片佢真係想即刻去因為見倒佢地既太陽眼鏡佢地既智慧仲有係佢地有200個唔同既字都係解「雪」，有人比左6隻bebe「賽狗」佢，6隻、狗仔、佢用個盒帶住佢地，佢諗住帶埋D狗去Alaska咁就可以幫佢捉企鵝，但係去之前佢想喺Vegas停一陣去賭去贏多D錢，所以佢就離開左Venice嘅沙灘去沙漠——「你過得倒個沙漠你就會搵倒金。」佢話：「而Vegas有金。」——之後佢就攞佢盒狗仔出嚟喺個又「巢」又油淋淋既KFC紙袋度攞個漢堡飽餵佢地，我地碌大對眼佢地望住我地好困惑，「呢個係Jimmy Dean。」佢講完就指住盒裡面其中一隻大鼻既，「呢個係Elvis，呢個係River Phoenix，呢個係Bruce Lee，呢個係Artist Formerly Known As Prince，呢個我仲未搵倒個名比佢。」日出時候我地就聽Bjork既「All is full of love」感覺好「正」，「而家聽住，我地由頭play過。」係，我地重覆咁聽左50幾次，聽左3個鐘頭27分鐘——3個鐘頭27分鐘嘅Bjork「All is full of love」——跟住，繼續車……死亡谷一個人都冇除左我地——佢打橫咁訓喺部車前面既seat位平靜又細聲咁講：「All is full of love」重覆又重覆，然後慢慢所有佢既能量都離開佢既身體，「E仔」既藥力己經消失佢既身體需要抖下，佢想冷靜、想放鬆，佢就慢慢咁話：「我諗Madonna係Madonna、我係話；Madonna真係Madonna、果個Madonna、聖經果個Madonna、真正既Madonna、上帝既阿媽Madonna，佢就黎會生我地既救世主，Lourdes會拯救呢個世界，我諗，係，Jesus己經再生做左個女仔，Madonna個女Lourdes，佢會令到所有人都開心，一個飲Madonna既奶大既後生女，佢會向世界解釋Madonna既訊息同埋使命，佢會為我地經歷所有既變化，佢會為我地體現千禧年既矛盾：好快既剪接、偉大既情感、高質素既畫面，佢係斷裂既真實，斷裂但係真實，分裂但係一體、一個自我完整靈魂能夠流入我地所有人，世界上識佢既歌既人多過教堂既聖詩。」跟住佢就瞓左
喺Pine Tree Springs我地喺成個死亡谷嘅唯一一棵棕櫚樹下面；我地訓覺；隔離有好多遊客——多數係Florida果啲攞緊養老金既人、有幾個德國人幾個法國人——早餐、午餐、晚餐、跟住又係另一個日落、我起身，佢己經走左，好唔好彩仲有我啲錢、信用卡、passport、真係好仆街(shitty)——呀係，點解我要同你地講呢D野，唔，係，Goldie，Goldie冇左佢最好朋友同co-producer之後，當佢己經成為左最偉大既drum and bass明星，icon，佢四年黎乜都冇做過，剩係住喺London一間舊工廠大廈成日都好失落咁，表面上冇咩發生其實佢係經歷緊一個內在既旅程，佢去得越黎越深入，係咁去得越黎越遠剩係訓喺床乜都唔做、剩係望住碰牆沉迷既童年，佢係收養既，佢再去得遠啲，見倒恐懼，同埋沮喪，一路都係，佢越黎越深入，當然佢去到佢阿媽果度，突然間，喺34歲，佢唔知點樣可以連接番佢阿媽或者創造左佢自己既阿媽，我唔肯定，但係佢搵倒種好深既信任，好基本既快樂同埋安全感——喺呢個世界，離開左所有既混亂同分裂——呢個整體，我唔肯定係咪咁講——佢好似個細路咁開心因為佢安全同埋冇被出賣——佢原諒左佢阿媽你聽佢既碟就可以感受倒：佢既碟係唯一既，成長又幼稚，係一件藝術品，唔單止係一首歌，係畢生嘅作品；能夠原諒你阿媽唔喺你身邊因為佢真係唔X識做人阿媽同埋攪錯左先至會生你——如果你有個咁嘅阿媽；一個真係好失敗嘅阿媽，佢唔愛你，佢唔想要你，佢「勾佬」又成日都好唔滿意，係nightmare，你冇咩可以學倒、你個個都唔信、你憎恨男人女人，每個男人都係你失敗老母既仆街lover，每個女人都係賤X，無助，倚賴果啲無X用嘅男人，唔，廢嘅男人，有個女人喺醫院突然間會有個護士過黎比個仔佢佢唔知係咩黎、唔知點算，佢就不斷咁搵個地方擺低佢、掉左佢、喺Supermarket唔見左佢、喺地鐵賴低佢，好想抿開佢掉落垃圾筒或者擺入微波爐睇下點但係又冇膽做，之後佢覺得好「灰」就攬住個仔幾個禮拜因為佢boyfriend飛左佢佢突然好需要有啲野攬住，好恐怖，點都好，唔，呢隻Music就好似你從來都冇既擁抱，佢好似沉默，寧靜，唔，有人喺度聽緊同埋攬住你，我諗，係，有人經歷左好多年既恐懼同埋混亂佢搵倒啲好靚嘅野，結合成為幾樣野：你聽倒既聲音；子宮、日落、日出……Sandra比個貨車司機強姦又捏死左而突然間啲差佬就刮我因為佢地喺案發現場搵倒我既passport同信用卡，我被拘捕，坐左兩晚監，冇人信我既故仔，我用左兩個禮拜楂車經過死亡谷，喺美國只有顛佬先會咁做，只有果啲食靚仔姦阿婆既人先會咁做，有個差佬喺Lone Pine同LA既公路上面停低我用枝槍指住我踢左我右邊既春袋3下：Sandra得16歲，nightmare nightmare nightmare
※ ※ ※ ※ ※ ※
她： 佢就做DJ
他： 佢就揀videos
她： 然後吹下水或者剩係跳舞
他： 而家我地就拍自己，有時啦，我地有feel就拍
她： 係，我地有呢個協議所以唔會成日on-line
他： 係，佢地都想我地「回下氣」
她： 有個「回氣期」
他： 「Privacy」
她： 充電
他： 我地決定幾時開機
她： 但係我地係唔容許全程「扮野」
他： 唔係就冇得renew Contract
她： 我係可以好「真」嘅，no problem
他： 我都係
她： 呀，我可以好「真」，no problem
他： （吻她，她笑）好真
她： 你係咪「黎真」嫁？
他： 我諗係
她： 冇所謂
他： 冇咩所謂啦
她： 佢地最鐘意就係見倒我地乜都唔做，行行企企
他： 輕鬆咁傾計
她： 或者煮飯。一路講一路煮，係
他： 你想唔想煮啲野？
她： 我地會有200歐羅：放一條片，每半個鐘
他： 就係咁
她： 每次喺Art Gallery度放，就收100
他： 加加埋埋
她： 我地就用黎買唱片同埋器材
他： 我地既超、勁、大project
她： 我地既master plan
他： 全世界就係聲音
她： 我地混音
他： 精選
她： 選擇、分離、重構
他： 我地會聽哂所有存左既聲音，評估、解構
她： 有用嘅就入computer
他： 然後重構
她： 再加入我地既野
他： 喺我部mon閃過既所有歌曲既sine waves
她： 好靚既景觀
他： 我會cut哂啲多餘嘅，我剩係會留番啲最好
她： 分子，最細果部份，新既聲音微粒創造新既世界秩序
他： 新嘅宇宙
她： 新嘅聲音
他： 宇宙嘅聲音
她： 生命嘅soundtrack
他： 新宇宙嘅soundtrack
她： 向新世界出發
他： 新嘅聲音
她： 新嘅空間
他： 一個由聲音組成嘅新世界秩序
她： 令到身體再開始移動
他： 令到思想流動
她： OK，就係咁，做野，黎得，Camera！
他： OK，OK，做野，搵錢，黎得，video！
她： OK！
※ ※ ※ ※ ※ ※
他： OK，而家係「Performance」、「club culture」、「art」、「life is a text」，去片！
(他開著video，提高音樂聲量，他們進入放鬆狀態然後拍他們的臉，他們對著mic輕聲說話，聲音被放大，在音樂中仍可聽到)
他： 係，果陣係冬天，果陣無論係屋入面屋外面都好凍同埋乜都唔郁同埋果度好似有人偷左我靈魂然後
她： 然後我就而家望住我自己恐懼
他： 或者係碰撞（Crash）
她： 突然間有個人指住我喺度笑：「你係一個大災難」——咁我就開始走，我好驚咁問：「話我聽？我似咩？好似peg屎？」
他： 有個人訓喺地下塊面向下喺度講：「我可以話你聽你覺得唔係咁好，但係唔緊要，好快就冇野。」
她： 快樂戰勝左恐懼，或者絕望同埋純粹既慾望溶解係為左喺另一個地方碰撞
他： 唔知，我需要郁、跳舞，唔停，跳得真係好快同埋絕望
她： 同埋同埋
他： 同埋當我冷靜既時候我個頭有D聲
她： 唔同既顏色、好似一下「碰撞」，一個打擊，叫咩呢？語言喺度溶解，真係正
他： 點都好真係，真係好正
她： 慢慢咁撞落個地下
（她mix進一些噪音在音樂裡）
他： 唔係，我個頭裡面冇撞牆，又紅又藍交替咁出現
她： 音樂溶解，溶左，叫咩呢？
他： 我啱啱到左，我自己，癡住碰牆——cool，悲劇性——定係癡落地下？
她： 而我既思維就毫無目的咁流；流過我既身體然後呢間房——佢地好似想扯我出去咁，經過我，然後佢地帶左我出黎
他： 我覺得我裡面落緊雪，不過呢個唔係一個隱喻，係好真既，我好肯定
她： 慢慢咁撞落地下，好正
(他走向他的機器，播放一些碰撞聲，很嘈吵的噪音，撞擊聲。他們都很享受爆炸聲的soundtrack)
她： 突然間有架車撞我。撞車然後就有人扶起我喺度講：「冇事，冇事發生，我聽倒你呼吸」
他： Sex而家會最好，老實講，係必需
她： 我而家就需要另一個身體去撞下我，有個好正既細細地意外，一齊入醫院，濕立立咁癡住，一齊喺度喘氣，Sex而家會幾好
他： 但係果度冇人
她： 咁我就撞我自己，四圍都係血，唔，真係幾好
他： 「點解呢個星球轉得咁快？」
她： 我訓喺地下好似隻昆蟲，手手腳腳都癡住左，呢個觀點幾得意
他： 要靜下
她： 我尋日唔係呢個body
他： 唔，慢慢咁組合你自己，慢慢咁重整你自己做番個人，可以講倒果啲感受；果啲流過——慢慢流過你，係，係慢慢咁、流過你
她： 唔係，我尋日唔係呢個body
他： 我覺得我裡面落緊雪但係呢個唔係隱喻，雪喺我裡面落緊同埋好正，佢令我冷靜，攞走我裡面果團火，雪藏我D傷口，舒緩我對另一個身體既渴望，放喺冰上面一陣
(燈轉)
